𝐌𝐀𝐓𝐒𝐅 𝐀𝐓𝐒𝐈𝐍𝐀𝐍𝐀𝐍𝐀
𝐌𝐚𝐧𝐝𝐫𝐚𝐲 𝐚𝐧𝐣𝐚𝐫𝐚 𝐚𝐦𝐢𝐧'𝐧𝐲 𝐟𝐚𝐧𝐚𝐫𝐞𝐧𝐚𝐧𝐚 𝐚𝐧'𝐢 𝐓𝐨𝐚𝐦𝐚𝐬𝐢𝐧𝐚

Ao anatin’ny ezaka fanarenana sy fanatsarana ny fotodrafitrasa ao Toamasina, mandray anjara mavitrika ny Minisiteran'ny Fanajariana ny tany sy ny Raharahan-tany (MATSF), amin’ny alalan’ireo hetsika mifantoka amin’ny fanatsarana ny lalana sy ny fiatrehana ny fotoana ilatsahan'ny orana.
💧FIATREHANA NY FIANDRONAN-DRANO.
Ny Zoma 4 Septambra 2026, nivory tao amin’ny PACT ny "Unité de Coordination de Redressement Tamatave" (UCR) , ny DRATSF, ny Kaominina, ny CAA, ny BNGRC ary ireo Lehiben’ny Fokontany, handinihana ny fepetra hiatrehana ny fiandronan-drano.
Taorian’ny fidinan’ny Topo, fantatra fa mahatratra 25 000 metatra ny halavan’ireo lakan-drano (Caniveaux) ao amin’ny Arrondissement Ankirihiry irery ihany.
Tapaka araka izany fa nanomboka ny Alatsinainy 7 Septambra 2026 ny fanadiovana sy fanokafana ireo lakan-drano amin’ny alalan’ny asa tanamaro, iarahana amin’ny BNGRC.
🛣️ FANAMBOARANA LALANA RARIVATO 3 350 METATRA.
Ny Asabotsy 5 Septambra 2026, notanterahina ny lanonana fanombohana ny fanamboarana ireo lalana rarivato, mitotaly 3 350 metatra, ao amin’ny Kaominina Ambanivohitr’i Toamasina:
✅ Lalana FIP Vererrie : 1 600 m
✅ Lalana Colas Antetezatona : 1 400 m
✅ Lalana manoloana ny Biraon’ny Kaominina : 350 m
Nandritra ny lanonana, nampahatsiahivin’ny Talem-paritry ny DRATSF ny tokony hanajana ny Drafi-panajariana ny Tanàna (PUDI), ny faritra misy ny lalana (emprise) ary ny fanamarihana ny faridalana (alignement).
Nanatrika sy nanome voninahitra ny lanonana ny Solombavambahoaka voafidy tao Toamasina II, ny Lehiben’ny Fileovana Toamasina, ny Lehiben’ny Distrika ary ny Ben’ny Tanàna.
🤝 Ireo hetsika ireo dia maneho ny ezaka ataon’ny MATSF amin’ny fandraisana anjara amin’ny fanarenana an’i Toamasina, amin’ny alalan’ny fanatsarana ny fotodrafitrasa, ny fanarenana ny lalana ary ny fanadiovana sy fanokafana ireo lakan-drano, ho fanatsarana ny fivezivezena sy ny tontolo iainan’ny mponina ary ho fisorohana ny fiandronan-drano sy ny tondran-drano.