➡️Varavarana Misokatra mikasika ny fahalaniana paikandro manome zo( Prescription Acquisitive na P.A)
- Faritra Antsiranana I sy II
-
Faritra Atsimo Andrefana
-
Faritra Alaotra Mangoro
-
Faritra Matsiatra Ambony
☑️Nisitraka ny varavarana misokatra androany 26 Febroary 2026 ireo faritra efatra : Faritra Antsiranana I sy II , Atsimo Andrefana, Alaotra Mangoro, ary Matsiatra Ambony eto Madagasikara.
Ho an’ny tao #Antsiranana, nitarika ny hetsika ny lehibe ny fari-piadidian'ny fananantany sy ny fandrefesan-tany Antsiranana I sy II ary natrehin'ny lehiben'ny Distrikan'Antsiranana II.
Nanatrika ny tao Atsimo Andrefana sy Matsiatra Ambony kosa ireo tompon’andraikitra isan-tsokajiny eo amin’ny Sampandraharahan’ny fananantany sy ny fandrefesantany.
Ho an’ny Faritra #Alaotra Mangoro, tonga tao ny filohan’ny Fitsarana ambaratonga voalohany (TPI), ireo mpisolo vava any an-toerana, sy ny Mpampanoa lalana ary ireo talem-paritra amin’ny DRATSF.
Maro ireo mpila raharaha tonga namaly ny antso, nametraka fanontaniana ka noezahin'ireo tompon'andraikitry ny fananantany novaliana avokoa izany. Ny fanontaniana mikasika ny famerenana ny tanin'ny voanjo (terrain colonial) amin'ny vahoaka mampiasa izany sy ny famerenana ny tany amin'ny fanjakana (transfert à l'Etat) no tena napetrakin'ny mpanatrika nandritra ny fihaonana tao amin’ny faritra #Antsiranana.
Liana tamin’ny famelabelarana izay natao mikasika ny PA sy ny manodidina io lohahevitra io ny vahoaka tao amin’ny faritra #Atsimo Andrefana : famaritana ny tany azo atao PA sy ireo dingana arahina raha hanao izany.
Nipetraka kosa ny fanontaniana izay niompana tamin’ny fiantohana an’ireo mpandrefy tany izay hiditra anaty tanin’olon-tsotra (propriété privé) raha misy olana amin’ny tompon-tany ny mpangataka ho an’ny Faritra #Alaotra Mangoro . Nampahafantarina ihany koa ireo taratasy ilaina amin’ny fanatanterahana ny saritany manara-pitsipika (plan régulier).
☑️Nangataka ny mba hitohizan'izany hetsika izany miaraka amin’ireo Sampandraharaham-panjakana hafa toy ny ao amin’ny Minisiteran’ny Fitsarana ireo vahoaka maro (81) nanatrika tao amin’ny Faritra #Matsiatra Ambony.
✅Raha fintinina dia nitera-bokatsoa ho an’ireo mpila raharaha eto anivon’ny MATSF ny hetsika ka nirary izy ireo ny mba hitohizan’izany tsy ho ela nohon’ny hasarotan’ny lalàna momba ny fananantany sy mba hisian’ny mangarahara.
