โถ๏ธ Tany mirefy 48 ha sy 70 ares, ao amin'ny Fokontany Ankatepoky, Kaominina Ankililoaka, Distrika Toliara II no nisy saika hisandoka . Araka ny nambaran'ny Conservation de la Propriรฉtรฉ Fonciรจre dia misoratra amin-dRamatoa Rakotobe Odette io tany TF 1615 CJ io. Tokony ho roa volana lasa izay anefa dia nisy olona nilaza ho mpandova ihany koa ka teraka teo ny adi-tany teo amin'izy ireo.
โถ๏ธ Omaly, nisy Ramatoa antsoina hoe Jo..., tsy mpandova fa tonga teny an-toerana nanohana ilay mitonona ho mpandova, avy any Antaninarivo. Nambarany fa iraky ny Minisitra izy. Rehefa nangatahana anefa ny antontan-taratasy manamarina izany, dia nilaza izy fa any amin'ny mpisolovavany. Ity farany, izay lazainy fa manana fotoana hihaonana amin'ny Minisitra androany tamin'ny 9 ora maraina.
โถ๏ธ Amin'ny maha adi-tany ity raharaha ity dia nanatrika ny fihaonan'ny roa tonta, teny an-toerana ny Ben'ny Tanร nan'Ankililoaka, ny Sefo Fokontany Ankatepoky, ny Mpanampy mpikambana amin'ny antenimiera, miaraka amin'ny Solombavambahoaka Rochelin ary ireo fokonolona. Araka ny vaovao voaray, dia nosamborin'ny Vondron-tobim-pileovan'ny Zandarimariam-pirenena ao Toliara ilay Ramatoa.
โถ๏ธ Voalaza ihany koa fa efa nisy vaovao nifandray taminy teo aloha momba ny fisandohana andraikitra, ary voalaza fa mampiasa anaran'andrim-panjakana maro toy ny Tribonaly, ny Sampan-draharahan'ny Tontolo Iainana, ny Zandarimariam-pirenena ary ny Minisiteran'ny Fanajariana ny Tany sy ny Raharahan-tany (MATSF) amin'ny fandraisany andraikitra.
